WAFANYA BIASHARA YA MCHANGA WATAKIWA KUFUATA SHERIA

Waziri wa Nchi Ofisi ya Makamu wa Pili wa Rais Sera,Uratibu na Baraza la Wawakilishi  Mh Hamza Hassan Juma Amewataka wafanyabiashara wa Magari ya Mchanga Kuacha tabia ya Kukifanya Kituo Cha Magari ya Mchanga Taveta Kuwa ni Kituo Cha Kuuzia Mchanga.

Akizungumza Katika Ziara yakushitukiza leo 30/03/2022 aliyo amabatana na waziri wa Maji  na Nishati   Mhe Shaibu Kaduara   katika  Kituo hicho Cha Wafanyabiashara wa Gari za mchanga Taveta Amesema Utaratibu wa Kuweka Mchanga Katika Gari na Kuweka Vishungu vya Mchanga  haikubaliki Kisheria na inaweza Kuchangia Kuongezeka Kwa Vitendo Vya Uharibifu Wa Mazingiza.

Aidha Mhe Hamaza ameutaifisha Mchanga wote uliowekwa katika vishungu  amabao  wamiliki wake hawakufata  taratibu za kisheria kuwa ni mali Rasim ya Serikali na kutumika katika miradi ya maaendeleo  ilikutoa funzo kwa  wafanyabiashara wengine wasio fuata Sheria zilizo wekwa na Serikali.

Kwaupande Wake Waziri wa Maji na Nishati  Mh Shaibu Hassan  Kaduara Amewataka Wafanya Biashara hao wa Magari ya Mchanga Kufuata Sheria na  Taratibu Zilizowekwa na Serikali ili Kuepusha Usumbufu wakati waKufanya kazi Zao

Aliongeza kusema kuwa tayari alishatoa agizo kwa wafanyabiashara hao wa Mchanga kufuata Sheria  zaununzi  na uzaji wa mchanga na kwamba Serikali haitomvumilia Mfanya biashara yoyote wa Mchanga atakaye kwenda kinyume na Sheria.

Nao Wafanya Biashara wa mchanga katika eneo hilo Wameiyomba Serikali kuweka utaratibu wa kusikiliza Maoni ya Wafanyabiashara hao wa Mchanga  Ili Kuyapatia Ufumbuzi Matatizo yanayowakabili Katika kazi Zao.