Matangazo

Matangazo (43)

 

Waziri wa Nchi Afisi ya Makamu wa pili wa Rais sera, Uratibu na  baraza la wawakilishi Dkt .Khalid  Salum Mohammed, amesema  serikali    ya Mapinduzi ya Zanzibar  imejipanga kutoa elimu  kwa    wanafunzi   na jamii  kwa ujumla    kuchukua  tahadhari  ya  kupunguza  athari  zinazotokana na   kuzama.

Akisoma  hotuba     kwa  niaba  ya  Makamu  wa  pili  wa  rais wa Zanzibar Mweheshimiwa  Hemed   Suleiman Abdullah,   katika siku  ya  kilele cha  maazimisho  ya  siku ya kuzuia  watu kuzama dunian  yaliyofanyika katika ukumbi wa Zanzinar Beach Resort  Mazizini.

Dkt.  khalid Amesema  maazimisho  hayo  yana  lengo  la kupunguza  athari  za  watu  kuzama   pamoja na  kuwajengea uwezo na kutoa elimu kwa wanafunzi  wa Skuli walio maeneo ya karibu  na  Bahar  kama vile maeneo ya Nungwi pamoja na skuli za ukanda  wote wapwani.

Alisema kuwa ipo haja kwa Taasisi zinazo toa elimu  kuwafundisha wanafunzi pamoja na jamii kwa ujumla kutoa elimu ya kuogelea ili kuweza kujikinga na majanga ya watu  kuzama mara  kwa mara

Akizungumzia Sula la kufanya utafiti katika masula ya kuzama amesema kuwa serikali ya Mapinduzi imeanzisha Sehemu mbalimbali zinazo shughulikia na kupata Taarifa za matukio ya Kuzama kwa wananchi akitolea mfano kituo cha  gamba na KMKM kibweni.

 

Kwa upande wake Mwakilishi wa  katibu mkuu wa wizara ya uchumi wa Buluu,  Sheha Idris Sultani. amesema lengo la maazimisho hayo ni kupunguza watu kuzama duniani  kwani  kuzama  kunaweza kuepukika  pindi jamii ikichukua tahadhari za mapema  za kujikinga na majanga hayo ya alieleza katibu huyo.

 Aidha alisema  kuwa Wizara ya Uchumi wa bluu ipo tayari kutoa Ushirikiano  wahali na mali katika kujenga jamii yenye uwelewa mpana katika masula ya majanga ya kuzama pindi yanapo tokea katika jamii.

Akitoa takwimu  Mwenyekiti  wa shirika la Afya   duniani [WHO] amesema  kila  mwaka  watu   Zaidi  ya  million  kumi  wanapoteza maisha  na kutokana na  vifo   vinatokana  na majanga ya kuzama.

Ameongezea    kusema takwimu  zinaonyesha  kwa  upande wa  Tanzania watu laki  moja wanazama hasa wavuvi na watu wengine ambao hawajui kuogelea au kuzama katika sehemu za maziwa na madimbwi ya maji.

Siku hii ya Kuzuia watu  kuzama huazimishwa kila mwaka ifikapo  tarehe 25/07  ya kila mwaka  duniani kote.

Aidha  mwenyekiti  huyo ambeiyomba  Serikali kuchukua hatua za makusudi  katika kuondoa athari za kuzama hasa katika sekta ya bahari kwani maji ni sehemu ya watu kutumia na vile vile maji yanaweza kuwekwa watu katika hatari.

maazimisho  hayo      kwa mara ya kwanza yamefanyika Zanzibar  katika hotel ya Zanzibar Beach Rezot Mazizini Unguja

Jumla ya chanjo laki moja (100,000) zinatarajiwa kukabidhiwa kwa Serikali ya Mapinduzi ya Zanzibar ikiwa ni msaada kutoka Serikali ya Jamhuri ya watu wa China.

Makamu wa Pili wa Rais wa Zanzibar Mhe. Hemed Suleiman Abdulla ameleza hayo Ofisini kwake Vuga Jijini Zanzibar wakati akipokea Stakabadhi ya msaada huo wa chanjo kutoka kwa Balozi Mdogo wa China anaefanyia kazi zake Zanzibar Bwana Zhang Zhisheng.

Mhe. Hemed amesema chanjo hizo aina ya SINOVAC zinategemewa kuwasili Zanzibar ndani ya muda baada ya kupokea Stakabadhi na mara baada ya kuwasili Zanzibar zinatakibidhiwa kwa Wizara ya Afya ikiwa ndio wizara yenye dhamana na musuala ya Afya.

Amesema Serikali ya Mapinduzi ya Zanzibar itapokea chanjo hizo ikiwa ni katika juhudi za kujikinga na Maradhi ya Covid 19 kwa lengo la kuwakinga wananchi wake kutokana na virusi vinavyosababisha maradhi hayo.

Akizungumzia Ubora wa chanjo hiyo Makamu wa Pili wa Rais amewahakikishia wananchi wa Zanzibar kuwa Chanjo hizo zipo salama kwa mujibu wa Shirika la Afya Duniani kuruhusu kutumika.

Katika hatua nyengine Mhe. Hemed ameendelea kuishukuru Serikali ya Jamhuri ya watu wa China kwa kuendelea kuunga mkono Serikali ya Mapinduzi ya Zanzibar hasa katika Sekta ya Afya akitolea mfano misaada mbali mbali inayotolewa na Nchi hiyo katika Hospitali na Mnazi Mmoja na ya Hospital ya Abdallah Mzee kwa Upande wa Pemba.

Amesema mashirikiano hayo yanaonesha ukaribu na udugu kati ya nchi hizo mbili yaliyoasisiwa kwa muda mrefu sasa ambapo hadi sasa China na Zanzibar zinashirikiana kupitia sekta tofauti.

Nae Balozi Mdogo wa China Bwana Zhang Zhisheng amesema China imejipanga kutoa chanjo ili kusaidia kinga dhidi ya covid 19 na alimuhakikishia Makamu wa Pili wa Rais wa Zanzibar kuwa chanjo hizo ni salama kutokana na kupatikana kwa ruhusa ya kimatumizi kutoka  Shirika la Afya Duniani (WHO).

Aidha, Bwana Zhang Zhisheng amlimueleza Makamu wa Pili wa Rais wa Zanzibar kuwa Nchi ya China itaendeleza mashirikiano yaliyopo baina yao ili kuisaidia  Zanzibar kukuza uchumi wake ambapo serikali ya Jamuhuri ya watu wa China imejipanga kuisaidia Zanzibar katika kuwekeza kwenye Sekta ya Viwanda jambo ambalo litasadia kuinua uchumi wa zanzibar na watu wake.

Makamu wa Pili wa Rais Zanzibar Mhe. Hemed Suleiman Abdulla amewagiza watendaji wa taasisi za serikali kuacha mara moja tabia ya kuwazungusha wawekezaji walioonesha njia ya kuwekeza Zanzibar ili kutoa fursa kwa nchi kupiga hatua za kimaendeleo.

Mhe. Hemedi ametoa onyo hilo wakati alipofanya ziara ya kutembelea eneo linalojengwa kiwanda cha kutengeneza  maji kinachojengwa katika eneo la Chamanangwe wilaya ya Wete Mkoa wa Kaskazini Pemba.

Amesema jambo la kuwazungusha wawekezaji walioonesha nia ya kuwekeza katika ardhi ya Zanzibar halikubaliki, na serikali inayongozwa na Dk. Hussein Mwinyi haitolifumbia macho kwani kufanya hivyo kunalenga kurejesha nyuma azma ya serikali ya kuwaletea maendeleo wananchi wake.

Mhe. Hemed amefafanua kwamba endapo serikali itagundua  kuna taasisi inazorotesha kasi ya maendeleo ya serikali ya awamu ya nane, basi hatua za haraka za kuwaondosha wasimamizi wa taasisi hizo zitachukuliwa.

Akizungumzia faida zinazopatikana katika uwekezaji Makamu wa Pili wa Rais amesema kupitia uwekezaji serikali unapata uwezo wa kutatua changamoto mbali mbali ikiwemo masuala ya huduma za jamii.

Nae, Muwekezaji anaejenga kiwanda hicho cha maji cha AMOS INDUSTRY LIMITED Bw. Husamudin Ali Mussa ameipongeza serikali ya mapinduzi Zanzibar kwa jitihada zake kwa kuwapa kipaumbele wawekezaji kuwekeza jambo ambalo linatia moyo na wawekezaji wengi wameanza kujitokeza.

Bw. Husamudin amemueleza Makamu wa Pili wa Rais ujenzi wa kiwanda hicho unaondelea sasa unatarajiwa kukamilika  ndani ya kipindi cha miezi mitatu,huku wakiwa tayari wameshaagiza vifaa kwa ajili ya kufanya kazi katika kiwanda hicho.

Kwa upande wake Mkurugenzi Mtendaji wa  Mamlaka ya kukuza  uwekezaji Zanzibar (ZIPA) Sharif Ali Sharif amemueleza Makamu wa Pili wa Rais kukamilika kwa kiwanda hicho kutasaidia kwa kiasi kikubwa kufikiwa kwa utekelezaji wa Ilani ya chama cha mapinduzi kwa kufikia lengo la kutoa ajira laki Tatu kwa vijana wa Zanzibar.

Bw. Sharif amemuomba Makamu wa Pili wa Rais kupitia serikali kuangalia namna bora ya kulinda soko la ndani kwa wawekezaji walioamua kuwekeza Zanzibar kwani kwa muda mrefu sasa kumekuwa na changamoto ya ushindani wa soko kwa waingizaji wa bidhaa kutoka nje ya Nchi.

Makamu wa Pili wa Rais wa Zanzibar Mhe. Hemed Suleiman Abdulla ameipongeza tume ya taifa ya uchaguzi zanzibar (ZEC) kwa kazi nzuri waliofanya ya kukamilisha vyema zoezi la uchaguzi uliofanyika Oktoba mwaka jana.

 

Mhe. Hemed ameleza hayo wakati akipokea ripoti ya uchaguzi Mkuu wa Zanzibar wa mwaka 2020 iliowasilishwa na Mwenyekiti wa tume hiyo akiambatana na wajumbe waliofika Ofisini kwake Vuga Jijini Zanzibar.

 

Amesema Tume ya taifa ya uchaguzi Zanzibar imefanya kazi zake kwa uweledi na umahiri kutokana na kuzingatia sheria zinavyowaelekeza jambo ambalo limesaidia wananchi kujenga Imani dhidi ya watendaji wa tume hiyo.

 

Aliwahakikishia kwamba yeye akiwa mtendaji mkuu wa shughuli za serikali ataendelea kutoa kila aina ya ushirikiano unaohitajika katika kufanikisha kazi za tume kutokana na Imani kubwa alionayo kwa viongozi wa tume.

 

Ameleza licha ya changamoto zilizosababishwa na baadhi ya wanasiasa kutaka kuvuruga zoezi hilo lakini ubobezi na ufanisi wa watendani wa tume wakiongozwa na Makamishna, wameweza kuzikabili pamoja na kuzitatua changamoto hizo jambo ambalo limeonesha utayari na uweledi waliokuwanao watendaji wake.

 

Akiwasilisha ripoti hiyo Mwenyekti wa Tume ya taifa ya Uchaguz Zanzibar (ZEC) Jaji Mstaafu Hamid Mahmoud Hamid alimueleza Makamu wa Pili wa Rais wa Zanzibar kuwa Tume imeamua kukabidhi ripoti kwake kwa kutambua kuwa Makamu wa Pili wa Rais ndio kiongozi mkuu wa shughuli za Serikali lakini kimuundo tume ya uchaguzi  Zanzibar ipo chini ya Ofisi ya Makamu  wa Pili wa Rais.

 

Mwenyekiti huyo wa Tume ya uchaguzi amemueleza Makamu wa Pili wa Rais kuwa tume inatoa shukrani zake za dhati kwa serikali kwa ushirikiano wake katika kuiwezesha tume hiyo kufanikisha kazi zake.

 

Ripoti hiyo iliowasilishwa kwa Makamu wa Pili wa Rais imeelezea kwa kina hali ya Uchaguzi ilivyo kabla, wakat na baada ya uchaguzi, ikihusisha mafaniko na baadhi ya changamoto zilizoikumba tume hiyo

Kuwepo kwa ubunifu wa mambo mbali mbali yenye maslahi na Zanzibar ni jambo jema linalokuza uzalendo kwa wananchi wake pamoja na kutanua wigo kimataifa katika kuitangaza Nchi.

Makamu wa Pili wa Rais wa Zanzibar Mhe. Hemed Suleiman Abdulla, ametoa kauli hiyo alipokutana  na kamati ya Zanzibar International Marathon walipofika Ofisini kwake Vuga kwa lengo la kumkabidhi vifaa vya ushiriki katika wa mashindano hayo.

Makamu wa Pili wa Rais amesema mashindano hayo kuitangaza Zanzibar kiutalii ambapo wageni watakaoshiriki katika mashindano hayo  wataweza kujifunza mambo mengi kutokana na upekee wa utamaduni wa kizanzibar.

Aidha, Amepongeza Bw. Salim Kike mtangazaji wa Shika la BBC Uwengereza kwa jitihada zake akiwa kama balozi kwa kuitanga vyema Zanzibar na Tanzania kwa ujula katika anga za kimataifa.

Nae Mwenyekiti wa kamati hiyo Ndugu Hassan Suleiman Zanga amemshukuru Makamu wa Pili wa Rais wa Zanzibar kwa juhudi zake alizozifanya hasa katika kuwahamasisha viongozi mbali mbali sambamba na  wito wake alioutoa kwa taasisi mbali mbali nchini kuweza kuunga mkono jambo hilo, ambapo mashirika na tasisi tofauti yamejitokeza kuunga mkono.

Mbio hizo za Zanzibar International Marathonzinatarajiwa kufanyika  july 18 2021, ambapo hadi sasa jumla ya watu 12,000 wamekwisha kujisajili. 

Wakati huo huo Makamu wa Pili wa Rais wa Zanzibar Mhe. Hemed Suleiman Abdulla amepokea zawadi za washindi wa mashindano ya yamle yamle cup zilizotolewa na Bwana Mohamed Raza Mwenyekiti wa Kampuni ya ZAT.

Mhe. Hemed ameitaka wizara ya Habari, Vijana, Utamaduni na Michezo kujitathmini kupitia mashindano hayo ili kurejesha hadhi ya soko visiwani Zanzibar.

Serikali ya Mapinduzi ya Zanzibar inayoongozwa na Rais Dk.Hussen Ali Mwinyi inathamini mchango unaotolewa na Viongozi wa Dini  hali inayopelekea kudumisha Amani na Utulivu.

Makamu wa Pili wa Rais wa Zanzibar Mhe.Hemed Suleiman Abdulla ameeleza hayo katika mkutano uliojadili nafasi ya  Viongozi wa Dini  katika kudumisha Amani na utulivu ulifanyika katika ukumbi wa Sheikh Idrissa Abdul Wakili Kikwajuni Jijini Zanzibar

Ameeleza kuwa,uwepo wa Amani na utulivu unaochangiwa na Viongozi wa Dini umesaidia kuwavutia Wawekezaje tofauti jambo ambalo limepelekea kwa kupatikana kwa nafasi nyingi za ajira kwa jamii na kufanikisha kufikiwa kwa lengo la Ilani ya Uchaguzi ya Chama cha Mapinduzi 2020/2025.

Alifafanua kwamba,Viongozi wa Dini wamekuwa na moyo wa kijitolea katika kuhakikisha Amani ya Nchi inakuwepo muda wote kutokana na kazi nzuri walioifanya ya kuhakikisha Amani kabla na baada ya uchaguzi mkuu wa mwaka 2020.

Kabla ya kumkaribisha Mgeni Rasmi Mhe. Mufti Mkuu wa Zanzibar Sheikh Saleh Omar Kabi ameeleza kuwa taifa limejaaliwa Rehma na Baraka kutoka kwa Allah (S.W.) Kwa kuwa na Amani Jambo ambalo limesaidia kwa kiasi kikubwa Waumini na Wananchi kutekeleza ibada.

Akitoa salamu za Shirika la Umoja wa Mataifa  linaloshughulikia watoto duniani (UNICEF)  Naibu Muwakilishi wa UNICEF anaeshuhulikia Operesheni  Bw. Lawrence Oundo ameipongeza Serikeli ya Mapinduzi ya Zanzibar  kupitia Afisi ya Mufti kwa hatua wanazoendelea kuchukua katika kuwapatia watu  taaluma juu ya masuala mbalimbali ikiwemo elimu ya kujikinga na kipindupindu, COVID-19 pamoja na Kupiga vita vitendo vya udhalilishaji.

Makamu wa Pili wa Rais wa Zanzibar Mhe. Hemed Suleiman Abdulla amewataka Wananchi kutoa ushirikiano katika kupiga vita dhidi ya uwingizaji, usambazaji na utumiaji madawa ya kulevya Nchini.

Mhe. Hemed ametoa wito wakati akitoa salamu zake kwa waumini wa Masjid Nouri Kombeni Mkoa wa Mjini Magharibi mara baada ya kukamilika kwa Ibada ya Sala ya Ijumaa.

Amesema umefika wakati Wananchi wa Zanzibar kuungana pamoja katika kupiga vita Madawa ya kulevya ili kuiokoa jamii na athari zitokanazo na madawa ya kulevya.

Akigusia suala la Sheria juu ya madawa ya kulevya Makamu wa Pili wa Rais  alisema Serikali haitasita kuifanyia marekebisho Sheria hiyo kama ilivyochukua hatua katika Sheria nyengine kwa lengo la kuwabana wahalifu wa vitendo hivyo.

Akizungumzia juu ya maradhi ya Covid 19 aliitaka jamii kuendelea kuchukua tahadhari juu ya wimbi la tatu linalotarajiwa kuikumba dunia  kwa kutumia njia ya kunawa mikono kwa kutumia maji tiririka, kuepuka mikusanyiko pamoja kuvaa barakoa.

Mapema Khatibu wa Msikiti huo Sheikh Abdallah Juma Mussa aliwataka Waumini wa dini ya Kiislamu kuijenga jamii katika maadili mazuri  ili kupunguza vitendo viovu ikiwemo matumizi ya dawa za kuelvya.

Wananchi wametakiwa kujisajili katika ushiriki wa Mashindano ya mbio za Zanzibar International Marathon zinazotarajiwa kufanyika julai 18 mwaka huu.

Makamu wa Pili wa Rais wa Zanzibar Mhe. Hemed Suleiman Abdulla ametoa wito huo alipokutana na kufanya mazungumzo na kamati ya maandalizi ya mashindano hayo walipofika Ofisini kwake Vuga Jijni Zanzibar.

Amesema kwa kuwa mashindano hayo yamepata Baraka za Rais wa Zanzibar na Mwenyekiti wa Baraza la  Mapinduzi Dk. Hussein Ali Mwinyi itatoa taswira njema endapo watu wengi watajitokeza kushiriki ikiwemo wenyeji na wageni kutoka mataifa mengine.

Akigusia suala la udhamini wa mashindano hayo Makamu wa Pili wa Rais amesema Serikali itazungumza na Makampuni mbali mbali pamoja na mashirika yaliyopo Zanzibar ili kushiriki kikamilifu.

Nae Waziri wa Utalii na Mambo ya Kale ambae pia ni Kaimu Waziri wa Habari, Vijana, Utamaduni na Michezo Mhe. Leila Muhamed Mussa amesema kuwepo kwa mashindano hayo ya Marathon kutasaidia kuunga mkono azma ya Rais Dk. Mwinyi ya kukuza Uchumi wa Zanzibar hasa kupitia Uchumi wa Buluu ambapo Sekta ya Utalii ni moja kati ya maeneo ya uchumi huo.

Nao Viongozi wa Kamati hiyo wakiongozwa na Hassan Suleiman Zanga wamemueleza Makamu wa Pili wa Rais wa Zanzibar kuwa lengo la Marathon hiyo kufanyika Zanzibar ni kuhamasisha utalii hasa katika kipindi hichi cha mripuko wa maradhi ya covid 19 ambapo inaonekana sekta hiyo kusuasua katika mataifa mbali mbali.

Serikali ya Awamu ya Nane imedhamiria kukuza uchumi wake kupitia sekta ya Viwanda  ili kutatua changamoto ya ajira kwa vijana.

Makamu wa Pili wa Rais wa Zanzibar Mhe. Hemed Suleiman Abdulla ametoa kauli hiyo wakati alipofanya ziara ya kukagua eneo maalum la Viwanda vidogo vidogo liliopo Amani Mkoa wa Mjini Magharibi.

Amesema Serikali ya Awamu ya nane chini ya uongozi wa Dk. Hussein Ali Mwinyi imeamua kuweka mkazo katika Sekta ya uwekezaji kwa kuwakaribisha Wawekezaji kuekeza katika eneo la Viwanda.

Wakati akitembelea maeneo mbali mbali ya eneo hilo Makamu wa Pili wa Rais wa Zanzibar amewahakikishia Waekezaji waliopewa nafasi ya kuekeza kuwa Serikali itaendelea kutoa ushirikiano unaostahiki.

Mhe. Hemed akiwa katika ziara yake hiyo amewashauri Wawekezaji hao kuweka mazingira mazuri ya kazi zao kwa kuajiri watu muhimu watakaotoa msaada kwa wamiliki wa Viwanda hivyo akitolea mfano kuajiriwa kwa Mtu wa rasilimaliwatu pamoja na wahasibu kutasaidia kuweka sawa majukumu ya kazi.

Katika ziara yake hiyo Makamu wa Pili wa Rais aliwasisitiza wamailiki waliopewa nafasi katika eneo hilo la uwekezaji kwamba Serikali ya Awamu ya nane sio muumini wa kodi kubwa hivyo kile kiasi ambacho wanapaswa kulipia Serikalini wachukuwe jitihada za makusudi katika kuhakikisha kodi hizo wanalipa ndani ya wakati stahiki.

Makamu wa Pili Rais alieleza faraja yake kwa jitihada nzuri zinazochukuliwa na uongozi wa mamlaka ya uwekezaji Zanzibar katika kuhakikisha Wawekezaji wanapewa maeneo ndani ya kipindi cha muda mfupi jambo ambalo linaashiria utayari kwa kuondoa urasimu na kuyafanyia kazi maelekezo ya Rais Dk. Mwinyi.

Akifanya majumuisho baada ya ziara hiyo Mhe. Hemed amesema hakuridhishwa na baadhi ya mazingira katika eneo hilo kwa kufanywa jaa la kuhifadhia vifaa vilivyopitwa na wakati nakuahidi kuwa erikali itatoa maamuzi ndani ya kipindi cha muda mfupi.

Nae, Mkurugenzi wa Mamlaka ya Uwekezaji Zanzibar (ZIPA) Ndugu Sharifu Ali Sharifu amemshukuru Makamu wa Pili wa Rais wa Zanzibar kwa ziara yake hiyo ambayo imekuwa ni chachu kwa mamlaka hiyo  kuweza kufanyakazi kwa bidii ili kufikia lengo la Serikali ya Awamu ya Nane la kukuza uwekezaji nchini.

Nao Wawekezaji waliopewa nafasi ya kuekeza katika eneo hilo la Viwanda vidogo vidogo wameipongeza Serikali ya Awamau ya Nane chini ya uongozi wa Dk. Hussein Ali Mwinyi kwa kuweka mazingira rafiki ya uwekezaji ambayo yamewasaidia kuendesha kazi zao bila ya usumbufu.

Eneo la uwekezaji la viwanda vidogo vidogo Amani limeanza rasmi kufanyiwa shughuli za uwekezaji tangu mwaka 1976 ikiwa ni azma ya Rais wa awamu wa kwanza Sheikh Abeid Amani Karume la kuhakikisha Zanzibar inapiga hatua katika uwekezaji kupitia Sekta ya Viwanda.

Serikali ya Awamu ya Nane imedhamiria kukuza uchumi wake kupitia sekta ya Viwanda  ili kutatua changamoto ya ajira kwa vijana.

Makamu wa Pili wa Rais wa Zanzibar Mhe. Hemed Suleiman Abdulla ametoa kauli hiyo wakati alipofanya ziara ya kukagua eneo maalum la Viwanda vidogo vidogo liliopo Amani Mkoa wa Mjini Magharibi.

Amesema Serikali ya Awamu ya nane chini ya uongozi wa Dk. Hussein Ali Mwinyi imeamua kuweka mkazo katika Sekta ya uwekezaji kwa kuwakaribisha Wawekezaji kuekeza katika eneo la Viwanda.

Wakati akitembelea maeneo mbali mbali ya eneo hilo Makamu wa Pili wa Rais wa Zanzibar amewahakikishia Waekezaji waliopewa nafasi ya kuekeza kuwa Serikali itaendelea kutoa ushirikiano unaostahiki.

Mhe. Hemed akiwa katika ziara yake hiyo amewashauri Wawekezaji hao kuweka mazingira mazuri ya kazi zao kwa kuajiri watu muhimu watakaotoa msaada kwa wamiliki wa Viwanda hivyo akitolea mfano kuajiriwa kwa Mtu wa rasilimaliwatu pamoja na wahasibu kutasaidia kuweka sawa majukumu ya kazi.

Katika ziara yake hiyo Makamu wa Pili wa Rais aliwasisitiza wamailiki waliopewa nafasi katika eneo hilo la uwekezaji kwamba Serikali ya Awamu ya nane sio muumini wa kodi kubwa hivyo kile kiasi ambacho wanapaswa kulipia Serikalini wachukuwe jitihada za makusudi katika kuhakikisha kodi hizo wanalipa ndani ya wakati stahiki.

Makamu wa Pili Rais alieleza faraja yake kwa jitihada nzuri zinazochukuliwa na uongozi wa mamlaka ya uwekezaji Zanzibar katika kuhakikisha Wawekezaji wanapewa maeneo ndani ya kipindi cha muda mfupi jambo ambalo linaashiria utayari kwa kuondoa urasimu na kuyafanyia kazi maelekezo ya Rais Dk. Mwinyi.

Akifanya majumuisho baada ya ziara hiyo Mhe. Hemed amesema hakuridhishwa na baadhi ya mazingira katika eneo hilo kwa kufanywa jaa la kuhifadhia vifaa vilivyopitwa na wakati nakuahidi kuwa erikali itatoa maamuzi ndani ya kipindi cha muda mfupi.

Nae, Mkurugenzi wa Mamlaka ya Uwekezaji Zanzibar (ZIPA) Ndugu Sharifu Ali Sharifu amemshukuru Makamu wa Pili wa Rais wa Zanzibar kwa ziara yake hiyo ambayo imekuwa ni chachu kwa mamlaka hiyo  kuweza kufanyakazi kwa bidii ili kufikia lengo la Serikali ya Awamu ya Nane la kukuza uwekezaji nchini.

Nao Wawekezaji waliopewa nafasi ya kuekeza katika eneo hilo la Viwanda vidogo vidogo wameipongeza Serikali ya Awamau ya Nane chini ya uongozi wa Dk. Hussein Ali Mwinyi kwa kuweka mazingira rafiki ya uwekezaji ambayo yamewasaidia kuendesha kazi zao bila ya usumbufu.

Eneo la uwekezaji la viwanda vidogo vidogo Amani limeanza rasmi kufanyiwa shughuli za uwekezaji tangu mwaka 1976 ikiwa ni azma ya Rais wa awamu wa kwanza Sheikh Abeid Amani Karume la kuhakikisha Zanzibar inapiga hatua katika uwekezaji kupitia Sekta ya Viwanda.

Mawasiliano

Ofisi ya Makamu wa Pili wa Rais Zanzibar.

Mtaa wa Vuga

S.L.P 239

Simu: +255 242231126

Nukushi (Fax): +255 242233788